 | ||
| ဒေါက်တာ(ကျော်မင်းဦး)၊ (ဒေါက်တာ)သန်းထွဋ်အောင်၊ ဒေါက်တာအောင်မြင့်ထွန်းနှင့် အောင်နိုင်(ကျောင်းမပြီး)တို့ကို ၁၂-၉-၁၉၈၈ နေ့က လမ်းမတော်ဆေးတက္ကသိုလ်(၁)တွင် ပြုလုပ်သည့် မြန်မာနိုင်ငံလုံးဆိုင်ရာ ကျောင်းသားများ သမဂ္ဂအဖွဲ့ချုပ်(ယာယီ)ဖွဲ့စည်းသည့်နေ့တွင် တွေ့ရစဉ် |
 |
| မ၀င်းမော်ဦးနှင့် (ဒေါက်တာ)၀င်းဇော်၊ (ဒေါက်တာ)စောလွင် |
 |
| ကိုထွန်းအောင်ကျော် (အထက်ဗကသဥက္ကဋ္ဌ၊ နောက် ဒုဥက္ကဋ္ဌ) |
အခု တရားစွဲကြမယ်ကြားတော့ ၁၉၊ ၉ ၊ ၁၉၈၈ နေ့ မနက်မှာ မြို့တော်ခန်းမနဲ့ ပြည်ထောင်စုဘဏ်ဘက် ပစ်ခတ်တာလေးကို ကိုယ်တိုင်ကြုံထားရတော့ အမြဲမှတ်မိနေတယ်။ မ၀င်းမော်ဦး၊ ၀င်းဇော်နဲ့ စောလွင်တို့ရဲ့ နာမည်ကျော် ဓာတ်ပုံလေးရဲ့ ရာဇ၀င်ပေါ့။ အဲဒီတုန်းက ဆန္ဒပြသူတွေကို ပစ်တာကတော့ War Game တွေအတိုင်းပဲ။ ရက်ရက်စက်စက်ပဲ။ စက်သေနတ်နဲ့ ပစ်တယ်။ အကာအကွယ်ယူနေတဲ့သူကို လောင်ချာနဲ့ပါ ပစ်တယ်။ ဂျူတီကုတ်နဲ့ တက်ဆွဲသူကိုလည်း ပစ်တယ်။ လူနာတင်ကားတောင် မသွားရဲဘူး။ ပစ်တယ်။ သေလိုက်ကြတာ သောက်သောက်လဲပဲ။ လိုအပ်တာတွေထက် အင်အားကို သုံးတယ်။ အဲဒီတုန်းက အဲဒီမှာနေရာယူတာက တပ်မ ၃၃ (ကျွန်တော်မမေ့ဘူး။ အရမ်းနာကျည်းတယ်)တပ်မမှူး(မြို့တော်ခန်းမမှာ တာဝန်ကျတဲ့ ဗျူဟာမှူး၊ တပ်ရင်းမှူး)တွေ နာမည်လိုက်ရှာ မှတ်ထားမိတယ်။ ဒါပေမယ့် အခုအချိန်မှာတော့ ဒီစိတ်တွေ မရှိချင်တော့ဘူး။ တိုင်းပြည်ကို ရှေ့ဆက်သွားစေချင်ပြီ။
အခုလို ဒီကိစ္စနဲ့ယှဉ်ရင် ဒီ့ထက်ဆိုးခဲ့တဲ့ကိစ္စတွေကို ဘယ်လိုလုပ်ကြမလဲ။ ပြီးတာတွေ မပြီးတာလဲ နားလည်ပါတယ်။ တရားဥပဒေဆိုတာလည်း နားလည်ပါတယ်။ လုပ်နိုင်တဲ့သူကိုပဲ လုပ်မှာလား။ ဘယ်လောက်ဝေးဝေး သွားချင်တာလဲ. . . စဉ်းစားကြဖို့ပါပဲ။ ခံခဲ့ရတာတွေ၊ နာကြည်းတာတွေကိုလည်း နားလည်ပါတယ်။ ဒါပေမယ့် တိုင်းပြည်ရဲ့ အခြေအနေနဲ့ အချိန်အခါကိုတော့ နားလည်ရပါမယ်။ ကိုယ်စခဲ့တဲ့အလုပ်တွေ ကိုယ်အဆုံးသတ်ရဦးမယ်။ ကိုယ်တာဝန်မကျေခဲ့တာတွေ ကိုယ် တာဝန်ကျေအောင် လုပ်ရဦးမယ်။
သေချာတာကတော့ နှစ်ငါးဆယ် စနစ်ဆိုးရဲ့အောက်မှာ နေခဲ့ရတဲ့ ကျွန်တော်တို့မှာ ပြဿနာတွေက အများကြီး။ အနာဂတ်က ဘာမှ မသေချာသေးဘူး။ ဒါပေမဲ့ ကျွန်တော်တို့ ပြတ်သားရမယ်။ မဟတ္တမဂန္ဓီပြောစကားလိုပဲ အပြစ် လုပ်တဲ့သူတွေဟာ သူတို့အပြစ်လုပ်တယ်လို့ ၀န်မခံမချင်း သူတို့မှားပါတယ်လို့ ၀န်မခံမချင်း ကျွန်တော်သူတို့နဲ့ မဆက်ဆံဘူး။ သူတို့လုပ်ရပ်ဟာ မှန်ကန်တယ်လို့ ဘယ်တော့မှ မပြောဘူး။
(ကိုစိုးလင်းအား ဒေါက်တာနိုင်အောင်၏ ABSDF(တောင်ပိုင်း)က၁၉၉၁ခုနှစ် အောက်တိုဘာလတွင် ဖမ်းဆီးခဲ့ပြီး ၁၉၉၂ ခုနှစ် ဖေဖော်ဝါရီလ ၁၂ ရက်နေ့တွင် ကိုထွန်းအောင်ကျော်အပါအ၀င် ၁၅ ဦးအား လူမဆန်စွာ ညဉ်း ပန်းနှိပ်စက် သတ်ဖြတ်ခဲ့သည်။ ကိုစိုးလင်းအား ABSDF ဒေါက်တာနိုင်အောင်အဖွဲ့မှ ညဉ်းပန်းနှိပ်စက်ပြီး ထောက်ဒဏ် ၁၀ နှစ် ချမှတ်ခဲ့သည်။ ၁၉၉၅တွင် ထွက်ပြေးလွတ်မြောက်သည်အထိ ABSDF အကျဉ်းထောင်ထဲ၌ နေထိုင်ခဲ့ရသည်။)
