SKY Net ရုပ်သံ အပတ်စဉ် စနေနေ့တိုင်း ဂျေလိဂ်ပွဲ ပြသမည်

ရန်ကုန်၊ သြဂုတ် ၂၈

ပရီးမီးယားလိဂ်ပွဲများ ပြသနိုင်ခြင်း မရှိသဖြင့် ပရိသတ်၏ ဝေဖန်မှုများ ရှိနေသည့် ပြည်တွင်း အခပေး SKY Net ရုပ်သံက ဂျပန်နိုင်ငံ၏ ဂျေလိဂ် ဘောလုံး ပြိုင်ပွဲများအနက် အပတ်စဉ် စနေနေ့တိုင်း ဂျေလိဂ်ပွဲစဉ် တစ်ပွဲ ထုတ်လွှင့် ပြသသွားမည် ဖြစ်ကြောင်း SKY Net မန်နေဂျာ ဦးဝင်းနိုင်က ပြောကြားသည်။

ရန်ကုန်မြို့တော် ကန်တော်ကြီးရှိ ကရဝိတ် ဟိုတယ်၌ သြဂုတ်လ၂၈ ရက်နေ့ နံနက် ၁၀ နာရီက ပြုလုပ်သည့် ဂျေလိဂ်နှင့် SKY Net ရုပ်သံတို့ အကျိုးတူ ပူးပေါင်း ဆောင်ရွက်မှု အစီအစဉ် လက်မှတ်ရေးထိုးပွဲတွင် ၎င်းက အထက်ပါ အတိုင်း ပြောကြားလိုက်ခြင်း ဖြစ်သည်။

"ကျွန်တော်တို့ SKY NET အနေနဲ့ လက်ရှိမှာ တစ်ပတ်ကို နိုင်ငံတကာပွဲပေါင်း ၆၀ ပြသ နေပါတယ်"ဟု ၎င်းက ဆိုသည်။

SKY Net က ဂျေလိဂ် ပြိုင်ပွဲကို ၂၀၁၃-၂၀၁၄ ဘောလုံးရာသီ အထိ စာချုပ်ချုပ်ဆို ထားကြောင်း ငွေကြေး မည်မျှဖြင့် ချုပ်ဆို ထားသည်ကိုမူ နိုင်ငံတကာ ဥပဒေ အရ ဖွင့်ပြောပိုင်ခွင့် မရှိကြောင်း ဦးဝင်းနိုင်က ရှင်းပြသည်။

Ref:The Voice

Read More

အားကစားသတင်းများ>>>

အင်္ဂလန် ပရီးမီးယားလိဂ် ပွဲစဉ်(၂)အဖြစ် ယှဉ်ပြိုင်ရာတွင် အာဆင်နယ် အသင်းသည် စတုတ်ခ်စီးတီး၏ အိမ်ကွင်း ဘရစ်တနီယာတွင် ဂိုးမရှိ သရေသာ ကစားနိုင်ခဲ့သည်။

ပြီးခဲ့သည့်ရာသီ ဂိုးသွင်းဘုရင် ရော်ဘင်ဗန်ပါစီကို လက်လွှတ်ထားရသော အာဆင်နယ်သည် အဆုံးသတ် ဂိုးသွင်းယူမှု အပိုင်းတွင် အားနည်းနေဆဲဖြစ်ပြီး (၂)ပွဲဆက် ဂိုးပေါက် ပျောက်ခဲ့ခြင်း ဖြစ်သည်။ အာဆင်နယ်သည် ယခုနွေရာသီတွင် ဝယ်ယူထားသည့် တိုက်စစ် ကစားသမားသစ် (၃)ဦးဖြစ်သော အိုလီဗီရာ ဂီရော့ဒ်၊ လူးကက်စ် ပိုဒေါ့စကီးနှင့် ဆန်တီကာဇိုလာတို့အား ပွဲထွက်စာရင်းတွင် အသုံးပြုခဲ့သော်လည်း စတုတ်ခ်နောက်တန်းကို မကျော်ဖြတ်နိုင်ဘဲ သရေ(၁)မှတ်ဖြင့်သာ တင်းတိမ်ခဲ့ရခြင်းဖြစ်သည်။

* Super Sunday ၏ လီဗာပူးလ်နှင့် မန်စီးတီးတို့၏ ပွဲစဉ်ကို မြန်မာစံတော်ချိန် ယနေ့ည ၉း၃၀ တွင် ဆက်လက် ယှဉ်ပြိုင်ကစားမည် ဖြစ်သည်။
လီဗာပူးလ်နှင့် မန်စီးတီးအသင်းတို့ ပွဲစဉ်ကို အောက်ပါလင့်ခ်များမှတစ်ဆင့် အွန်လိုင်းတွင် တိုက်ရိုက်ကြည့်ရှုနိုင်ပါသည်။


http://www.livetvstreamin.com/channel1
http://www.livetvstreamin.com/channel10
http://www.livetvstreamin.com/channel11

Ref:Planet Myanmar Network

Read More

အားကစားသတင်း>>>ကမ္ဘောဇအသင်း၏ မျှော်လင့်ချက်ကို မင်းမင်းထွန်းက ဆက်လက်ရှင်သန်စေခဲ့

MNL Myanmar 2012 ပွဲစဉ်(၂၄)အဖြစ် ကမ္ဘောဇအသင်းသည် မကွေးအက်ဖ်စီအသင်းအား အိမ်ကွင်း၌ ဧည့်ခံကစားခဲ့ရာ ၀ါရင့်ကွင်းလယ်ကစားသမား မင်းမင်းထွန်း၏ တစ်လုံးတည်းသော အနိုင်ဂိုးဖြင့် အနိုင်ရရှိခဲ့သည်။ အိမ်ရှင်အသင်းအတွက် အနိုင်ဂိုးကို ၀ါရင့်ကွင်းလယ်လူ မင်းမင်းထွန်းက ပွဲချိန်(၄၈)မိနစ်၌ သွင်းယူခဲ့ခြင်းဖြစ်သည်။ 

အသင်းဟောင်းဘက်သို့ သိန်းသန်းဝင်း ထိုးဖောက်နေစဉ်

အမှတ်ပေးချန်ပီယံဆုအတွက် အရေးပါသည့် အချိန်ကာလအတွင်း ခြေစွမ်းထက်မြက်သည့် မကွေးအက်ဖ်စီအသင်းအား ရင်ဆိုင်ကစားရန် ကမ္ဘောဇအသင်းနည်းပြဆီဗာဂျီသည် ၄-၃-၁-၂ ကစားကွက်ဖြင့် ဂိုးသမား ကျော်ဇင်ထက်၊ နောက်တန်းကစားသမားများအဖြစ် ဟန်ဝင်းအောင်၊ ၀င်းမင်းထွဋ်၊ ဟန်ဆန်နှင့် ဥာဏလွင်တို့ကို ပွဲထွက်စေခဲ့ကာ နူးနက်စ်မပါသည့် ကွင်းလယ်တွင် သိန်းသန်းဝင်း၊ နေ၀င်းအောင်နှင့် မင်းမင်းထွန်းတို့ကို နေရာချခဲ့ပြီး၊  ကျော်ဇေယျာဝင်းအား တိုက်စစ်မှူး(၂)ဦးဖြစ်သည့် ချားစ်အိုဘီနှင့် စိုးမင်းဦးတို့နောက်မှ ပံ့ပိုးကစားစေခဲ့သည်။

မကွေးအက်ဖ်စီအသင်းကလည်း ဂိုးသမားကျော်ဇင်ဖြိုး၊ ဇော်မင်းထွန်း၊ လင်းလင်းထွေး၊ မျိုးဇော်ဦး၊ မောင်မောင်စိုး အစရှိသော အားထားရသည့် ပြည်တွင်းကစားသမားများကို ကိုနေး၊ ရိုဒရီဂူ၊ အဘိုလာဂျီတို့နှင့် တွဲဖက်စေကာ တောင့်တင်းသောလူစာရင်းဖြင့် ခင်းကျင်းလာခဲ့သည်။

ချန်ပီယံပြေးလမ်းပေါ်တွင် အရေးပါသည့် ပွဲဖြစ်သည်နှင့်အညီ ကမ္ဘောဇအသင်းက ပွဲအစကတည်းကပင် ကစားအားတင်၌ တိုက်စစ်ဆင်ကစားကာ ဘောလုံးဆုံးသည်နှင့် ပြိုင်ဘက်အပေါ်ဖိအားပေးကစားခဲ့ရာ ပွဲချိန်(၁၀)မိနစ်ခန့်မှ စတင်၍ မကွေးအသင်းအပေါ် အသာစီးယူနိုင်ခဲ့သည်။ အိမ်ရှင်အသင်း၏ ကွင်းလယ်တွင် ပွဲပယ်ခံထားရသည့် နူးနက်စ်နေရာ၌ ကျော်ဇေယျာဝင်းက အံဝင်အောင်ကစားနိုင်ခဲ့ပြီး၊ သိန်းသန်းဝင်းနှင့် မင်းမင်းထွန်းတို့ကလည်း မကွေးအသင်း၏ တောင်ပံခံစစ်ကြောင်းများကို ခြိမ်းခြောက်မှုများ ပြုလုပ်နိုင်ခဲ့သည်။ အထူးသဖြင့် ပွဲချိန် ပထမပိုင်းအတွင်း မင်းမင်းထွန်း၏ညာ တောင်ပံမှ ဖြတ်တင်ပေးပို့မှုများမှာ တိကျသေသပ်မှုရှိခဲ့သည်။ တိုက်စစ်မှူးများဖြစ်ကြသည့် စိုးမင်းဦးနှင့် ချာစ်အိုဘီတို့ အသုံးမချနိုင်ခဲ့၍သာ အိမ်ရှင်အသင်း စောစီးစွာ ဂိုးမရခဲ့ခြင်းဖြစ်သည်။

ပွဲချိန် ပထမပိုင်းတွင် ကမ္ဘောဇအသင်းက ပြိုင်ဘက်ဂိုးသမား ကျော်ဇင်ဖြိုး၏ ဂိုးပေါက်သို့(၉)ကြိမ် ခြိမ်းခြောက်ခဲ့သည့်အနက် (၃)ကြိမ်မှာ အပိုင်အခွင့်အရေးများဖြစ်သည်။ မကွေးအသင်းမှာမူ ပထမပိုင်းတွင် အိမ်ရှင်အသင်းဂိုးပေါက်အား(၁)ကြိမ်သာ ကန်ခွင့်ရပြီး၊ ဂိုးပေါက်လွဲချော်ခဲ့သည်။

ဒုတိယပိုင်းအစတွင် ကမ္ဘောဇအသင်း ကစားအားတင်ကစားနေစဉ် ပွဲချိန်(၄၈)မိနစ်၌ ဦးဆောင်ဂိုးရရှိခဲ့သည်။ အဆိုပါဦးဆောင်ဂိုးကို အသင်း၏ ၀ါရင့်တောင်ပံကစားသမား မင်းမင်းထွန်းက ဂိုးသမား၏ ညာဘက်ထောင့်ထဲသို့ လှလှပပကန်သွင်းခဲ့ခြင်းဖြစ်သည်။ ထိုဂိုးသည် မင်းမင်းထွန်း၏ MNL ကစားသမားဘ၀တစ်လျှောက် ဒုတိယမြောက်ဂိုးဖြစ်လာခဲ့သည်။

ဦးဆောင်ဂိုးပေးလိုက်ရပြီးနောက် ဧည့်သည်အသင်းက ချေပဂိုးရရှိရန် ဖိအားပေးကစားလာခဲ့ပြီး၊ ကမ္ဘောဇအသင်းကလည်း ခံစစ်ကို ဦးစားပေးလာခဲ့သဖြင့် ပွဲချိန်မိနစ်(၅၀)နောက်ပိုင်း ဟန်ဆန်ဦးဆောင်သော ကမ္ဘောဇအသင်းခံစစ်ကြောင်းနှင့် ဂိုးသမားကျော်ဇင်ထက်တို့ အလုပ်များလာခဲ့သည်။ သို့တိုင်အောင် ကိုနေး၊ ရိုဒရီဂူနှင့် မျိုးဇော်ဦးတို့၏ မကွေးတိုက်စစ်အင်အားစုသည် ကမ္ဘောဇအသင်း၏ ဂိုးပေါက်သို့ ထိရောက်စွာ ခြိမ်းခြောက်နိုင်ခြင်းမရှိခဲ့ပေ။ တစ်ဖက်တွင် အိမ်ရှင်အသင်းက တန်ပြန်တိုက်စစ်များမှ အပိုင်အခွင့်အရေးများစွာ ရရှိခဲ့သော်လည်း ချားစ်အိုဘီ ဖြုန်းတီးနေခဲ့သည်။

ဆီဗာဂျီသည် နောက်ပိုင်းပွဲချိန်များတွင် မကွေးအသင်း၏ တိုက်စစ်ကို ထိန်းချုပ်ရန် မင်းမင်းထွန်းအစား မိုင်းအိုက်နိုင်၊ ချားစ်အိုဘီအစား လှအေးထွေး၊ သိန်းသန်းဝင်းစား အောင်မြတ်မင်းတို့ကို ထည့်သွင်း၍ အနိုင်(၃)မှတ်ကို ရယူခဲ့သည်။

ကမ္ဘောဇအသင်းအနေဖြင့် ပွဲချိန်ဒုတိယပိုင်း၌ ပြိုင်ဘက်အသင်းဂိုးပေါက်သို့ အပိုင်ကန်သွင်းခွင့်(၄)ကြိမ်တိုင်တိုင်ရရှိခဲ့ပြီး၊ အဆိုပါအခွင့်အရေးများအားလုံးကို ချားစ်အိုဘီ(၁)ယောက်တည်းက ဖြုန်းတီးခဲ့ခြင်းဖြစ်သည်။

Read More

အမေရိကန် အားကစား သံတမန် အဖွဲ့ မြန်မာနိုင်ငံသို့ ရောက်ရှိ

ရန်ကုန်၊ သြဂုတ် - ၂၆

မြန်မာနိုင်ငံနှင့် အမေရိကန် ပြည်ထောင်စုအကြား ယဉ်ကျေးမှုဆိုင်ရာ ပူးပေါင်းဆောင်ရွက်မှုများတိုးမြ

ှင့်ရန်အလို့ငှာ အမေရိကန်ကြေးစား ဘတ်စကက်ဘောအားကစားသမားများနှင့် နည်းပြများကို 'အားကစားသံတမန်'များအဖြစ် ယခုရက်သတ္တပတ်အတွင်း မြန်မာနိုင်ငံသို့ ရောက်ရှိ

လာကြာင်း ရန်ကုန် အခြေစိုက် အမေရိကန် သံရုံးမှ တရားဝင် သတင်း ထုတ်ပြန်လိုက်သည်။

အမေရိကန် အားကစား သံတမန်လေးဦး ပါဝင်သည့် အဖွဲ့သည် ယခု ရက်သတ္တပတ်အတွင်း မြန်မာနိုင်ငံသို့ ရောက်ရှိလာကြောင်း၊ ထိုသို့ လာရောက်မှုသည် အမေရိကန် နိုင်ငံခြားရေး ဝန်ကြီးဌာနက စပွန်ဆာ ပြုလုပ်သော "ပညာရပ်ပိုင်း ဆိုင်ရာ၊ ပူးပေါင်း ဆောင်ရွက်မှု ဆိုင်ရာ နှင့် မတူကွဲပြား ခြားနားမှု အပေါ်အသိအမှတ်ပြု လေးစား လိုက်နာမှု ဆိုင်ရာ အရေးပါမှုများကို အလေးပေးသည့် အစီအစဉ်" တစ်စိတ်တစ်ပိုင်း ဖြစ်ကြောင်း သိရသည်။

အဆိုပါ အမေရိကန် အားကစား သံတမန်အဖွဲ့ အနေဖြင့် ပြည်တွင်းမှ လူငယ်များနှင့် အလုပ်ရုံ ဆွေးနွေးပွဲများ ပြုလုပ်သွားမည် ဖြစ်သည်။ အားကစား သံတမန် လေးဦးအနက် တစ်ဦးမှာ ယခု ရက်သတ္တပတ်အတွင်း မြန်မာနိုင်ငံသို့ ရောက်ရှိခဲ့ပြီ ဖြစ်ပြီး ကျန်တစ်ဦးမှာ သြဂုတ်လ ၂၆ ရက်နေ့(တနင်္ဂနွေ) တွင် လေကြောင်း ခရီးစဉ်ဖြင့် လာရောက်မည် ဖြစ်သည်ဟု သတင်းထုတ်ပြန်ချက်က ဆိုသည်။

အားကစား သံတမန်များ အဖွဲ့၌ ယခင် မြန်မာနိုင်ငံသားဟောင်း ဖြစ်ပြီး ယခုအခါ အမေရိကန် ပြည်ထောင်စု Charlotte Bobcats ဘတ်စကက်ဘော အသင်းမန်နေဂျာ Richard Cho လည်း ပါဝင်ကြောင်း၊ လော့စ်အင်ဂျလိဒ်စ်လေကာစ် အသင်းမှ လက်ထောက်နည်းပြ David Ham၊ ၊ ယခင် အမျိုးသား ဘတ်စကက်ဘော အသင်း အားကစားသမား Allison Feaster နှင့် ယခင် NBA အသင်း ကစားသမား Marty Conion တို့လည်း ပါဝင်ကြောင်း သတင်းထုတ်ပြန်ချက်တွင် ဖော်ပြထားသည်။

အမေရိကန် ပြည်ထောင်စုသည် မြန်မာနိုင်ငံတွင် သမ္မတဦးသိန်းစိန် လက်ထက် ပြုပြင်ပြောင်းလဲမှုများ အရှိန်မြှင့် လုပ်ဆောင်လာပြီးနောက် ပိတ်ဆို့ အရေးယူမှုများကို တဖြည်းဖြည်းချင်း လျှော့ချ ပေးလာသလို နှစ်ပေါင်း ၂၂ နှစ်အတွင်း ပထမဆုံး မြန်မာဆိုင်ရာ သံအမတ်ကြီး ခန့်အပ်ခြင်း၊ အမေရိကန် စီးပွားရေး လုပ်ငန်းရှင်ကြီးများ မြန်မာနိုင်ငံ၌ ရင်းနှီးမြှုပ်နှံ လုပ်ကိုင်ခွင့် ရအောင် အကူအညီပေးခြင်း အစရှိသည်တို့ကို လုပ်ဆောင်လာသည်။

Ref:The Voice

Read More

အားကစားသတင်း>>>ပရီးမီးယားလိဂ်ပွဲစဉ် (၂) ရလဒ်

Saturday Final Scores:

ချယ်လ်ဆီး ၂ - ၀ နယူးကာဆယ်
22' ဟာဇက် (ပင်နယ်တီ)၊ 45' တောရက်စ်

အစောပိုင်းပွဲရလဒ်များ
ဆွမ်ဆီး ၃ - ၀ ဝက်စ်ဟမ်း
အက်စတန်ဗီလာ ၁ - ၃ အဲဗာတန်
မန်ယူ ၃ - ၂ ဖူလ်ဟမ်
နောဝစ်ခ်ျ ၁ - ၁ ကျူပီအာ

ဆောက်သမ်တန် ၀ - ၂ ဝီဂန်
တော့တင်ဟမ် ၁ - ၁ ဝက်စ်ဘရွန်း

* ယနေ့ညယှဉ်ပြိုင်ကစားသည့် ပရီးမီးယားလိဂ် ပွဲစဉ်များအနက်မှ ဆန်းဒါးလန်းနှင့် ရီးဒင်းအသင်းတို့၏ ပွဲစဉ်ကို ရွှေ့ဆိုင်းလိုက်သည်။

Ref:Planet Myanmar

Read More

မြန်မာနိုင်ငံ အိုလံပစ်ကော်မတီနှင့် မြန်မာနိုင်ငံ အားကစားကလောင်ရှင်များအဖွဲ့ချုပ်တို့က ပူးပေါင်းချီးမြှင့်သည့် ၂၀၁၁ ခုနှစ်အတွက် အကောင်းဆုံးအားကစားသမားဆုများ

မြန်မာနိုင်ငံ အိုလံပစ်ကော်မတီနှင့် မြန်မာနိုင်ငံ အားကစားကလောင်ရှင်များအဖွဲ့ချုပ်တို့က ပူးပေါင်းချီးမြှင့်သည့် ၂၀၁၁ ခုနှစ်အတွက် အကောင်းဆုံးအားကစားသမားဆုများကို ချီးမြင့်ရာ အကောင်းဆုံး(အမျိုးသား)အားကစားသမားဆုကို ၀င်းထိုက် (လက်ရွေးစင်လှေလှော်ကစားသမား)၊
အကောင်းဆုံး(အမျိုးသမီး)အားကစားသမားဆုကို မအောင်ငှိမ်း(မြားပစ်အားကစားသမ)၊ အထူးဂုဏ်ပြုအားကစားသမားဆုကို ထွန်းမင်း (ကာယဗလ)နှင့်
အအောင်မြင်ဆုံးအားကစားနည်းအဖြစ် လှေလှော်အားကစားအဖွဲ့ချုပ်တို့က အသီးသီးဆွတ်ခူးသွားသည်။
ဝင်းထိုက်သည် ပြီးခဲ့သည့် ၂၀၁၁ အင်ဒိုနီးရှားဆီးဂိမ်းတွင် ကနူးလှေပြိုင်ပွဲမှ ငွေတံဆိပ် ၃ခု ၊ကြေးတံဆိပ် ၁ခု နိုင်ငံအတွက်ရယူပေးနိုင်ခဲ့ပြီး၊ မအောင်ဌိမ်းသည် မြားပစ်အားကစားနည်းမှ ရွှေတံဆိပ် သုံးခု ဆွတ်ခူးပေးနိုင်ခဲ့သည်။ အထူးဆုချီးမြှင့်ခံရသည့် ထွန်းမင်းသည် အာရှတံခွန်စိုက်ကာယဗလပြိုင်ပွဲ ကီလို ၆၀ တန်းတွင် ငွေတံဆိပ် နှင့် ကမ္ဘာ့တံခွန်စိုက်ကာယဗလပြိုင်ပွဲတွင် ကြေးတံဆိပ်ရရှိခဲ့သူဖြစ်သည်။
အင်ဒိုနီးရှားဆီးဂိမ်းတွင် နိုင်ငံအတွက် ရွှေတံဆိပ် ၁၀ ခု၊ငွေ ၆ခု ၊ကြေး ၃ခု ရရှိခဲ့သည့် မြန်မာလှေလှော်အားကစားအဖွဲ့ချုပ်သည် ၂၀၁၁ ခုနှစ် အတွက် အအောင်မြင်ဆုံးအားကစားနည်းအဖြစ် ဂုဏ်ပြုချီးမြှင့်ခံရခြင်းဖြစ်သည်။
ဆုချီးမြှင့်ပွဲအခမ်းအနားကို သြဂုတ်လ ၂၃ ရက်၊ည ၇ နာရီတွင် နေပြည်တော်ရှိ သင်္ဂဟဟိုတယ် ၌ ကျင်းပမည်ဖြစ်သည်။ အကောင်းဆုံးအားသမားဆုရရှိသူအား ငွေကျပ်သိန်း ၂၀ ၊အထူးဆုရရှိသူအား ငွေကျပ် ၆ သိန်း၊အအောင်မြင်ဆုံး အားကစားနည်းအား ဆုတံဆိပ်များချီးမြင့်မည်ဖြစ်သည်။ အဆိုပါဆုချီးမြှင့်ခြင်းအခမ်းအနားကို မြန်မာနိုင်ငံအိုလံပစ်ကော်မတီနှင့် မြန်မာနိုင်ငံအားကစားကလောင်ရှင်များအဖွဲ့ချုပ်တို့မှ ပူးပေါင်းကျင်းပခြင်းဖြစ်ကြောင်း သတင်းရရှိသည်။

Read More

နျူရီဆာဟင်ကို အငှားခေါ်ယူရန် အာဆင်နယ် သဘောတူညီမှုရ

အာဆင်နယ် အသင်းသည် ရီးယဲလ်မက်ဒရစ် ကွင်းလယ် ကစားသမား နျူရီဆာဟင်ကို အငှားခေါ်ယူရန် သဘောတူညီမှု ရရှိသွားပြီ ဖြစ်သည်။ အသက်(၂၃)နှစ်ရှိ တူရကီ လက်ရွေးစင်အား ရာသီကုန်ထိ ခေါ်ယူရန်အတွက် အာဆင်နယ်က ပေါင်စတာလင် (၂)သန်း ပေးချေရမည်ဟု သတင်းများက ဖော်ပြခဲ့သည်။ သို့သော်လည်း ဆာဟင်ကို ရာသီကုန်တွင် အပြီးသတ် ဝယ်ယူရန် အတွက်မူ အာဆင်နယ် အနေဖြင့် စပိန်လာလီဂါ ချန်ပီယံ အသင်းနှင့် သီးခြား ညှိနှိုင်းမှုများ ပြုလုပ်ရမည် ဖြစ်သည်။
ဆာဟင်သည် ဂျာမန်ကလပ် ဘိုရပ်ရှား ဒေါ့တ်မန်တွင် အထူးအောင်မြင်မှုများ ရရှိခဲ့သည့်နောက် ရီးယဲလ်သို့ ပြောင်းရွှေ့ခဲ့သော်လည်း ဒဏ်ရာ ပြဿနာများကြောင့် ရုန်းကန်နေခဲ့ရသည်။ အာဆင်နယ် မန်နေဂျာ အာစင်ဝင်းဂါးသည် အမ်းမရိတ်စ်တွင် ဆာဟင်အနေဖြင့် ပေါ်လွင်စွာ ခြေစွမ်းပြနိုင်ပါက ရာသီကုန်တွင် ပေါင်စတာလင် (၁၄)သန်းဖြင့် အပြတ်ဝယ်ယူရန် ဆန္ဒရှိနေသည်။ အာဆင်နယ်သည် ဘာစီလိုနာသို့ ကင်မရွန်း ကွင်းလယ်လူ အဲလက်စ်ဆောင်းအား ပြောင်းရွှေ့ခွင့် ပေးခဲ့သည့်နောက် ဆာဟင်ကို ခေါ်ယူရန် ကြိုးပမ်းခဲ့ခြင်း ဖြစ်သည်။ လီဗာပူးလ် အသင်းကလည်း ဆာဟင်ကို ချိတ်ဆက်ခဲ့သေးသည့်တိုင် အာဆင်နယ်က ကစားသမားကို လက်ဦးမှုယူ စာချုပ်ရန် သဘောတူညီမှု ရရှိခဲ့ခြင်းဟု သိရှိရသည်။
Ref:Planet Myanmar

Read More

"ချဲလ်ဆီးကိုအနိုင်ယူပြီး ကွန်မြူနတီဒိုင်းအား မန်စီးတီးသိမ်းပိုက်"

အင်္ဂလန်ပရီးမီးယားလိဂ်ချန်ပီယံ မန်ချက်စတာစီးတီးနှင့် အက်ဖ်အေချန်ပီယံ ချဲလ်ဆီးအသင်းတို့၏ ကွန်မြူနတီဒိုင်းပွဲစဉ်ကို ဗီလာပတ်ခ်ကွင်းတွင် ယနေ့ ယှဉ်ြ့ပိုင်ကစားခဲ့ရာ မန

်ချက်စတာစီးတီးက ၂-၃ ဂိုးဖြင့် အနိုင်ရရှိပြီး ၂၀၁၂-၂၀၁၃ ဘောလုံးရာသီအကြို ကွန်မြူနတီဒိုင်းကို သိမ်းပိုက်သွားခဲ့သည်။ ကစားချိန် မိနစ် ၄၀ တွင် ချဲလ်ဆီးက တောရက်စ်၏ သွင်းဂိုးဖြင့် ဦးဆောင်ဂိုး စတင်ရရှိခဲ့သည်။ ပွဲကစားချိန် ၄၂ မိနစ်တွင် ချဲလ်ဆီးနောက်ခံကစားသမား အိုင်ဗန်နိုဗစ် ကစားပုံကြမ်းတမ်းသဖြင့် တိုက်ရိုက်အနီကတ်ဖြင့် အထုတ်ခံခဲ့ရသည်။ ဒုတိယပိုင်း ဆက်လက် ယှဉ်ပြိုင်ကစားရာ တစ်ယောက်လျှော့ ချဲလ်ဆီးအသင်းအား မန်ချက်စတာစီးတီးက ၁၂ မိနစ်အတွင်း ၃ ဂိုးပြန်သွင်းကာ အနိုင်ယူခဲ့ခြင်း ဖြစ်သည်။ မန်ချက်စတာစီးတီးအတွက် ချေပဂိုးကို ပွဲကစားချိန် ၅၃ မိနစ်တွင် ယာယာတိုရေးက သွင်းယူခဲ့သည်။ ဆက်လက်၍ ၅၉ မိနစ်တွင် တီဗက်ဇ်က အနိုင်ဂိုးကို သွင်းယူခဲ့ပြီး ၂-၁ ဂိုးဖြင့် ဦးဆောင်ခဲ့သည်။ ပွဲကစားချိန် ၆၅ မိနစ်တွင် မန်ချက်စတာစီးတီးအတွက် ဒုတိယဦးဆောင်ဂိုးကို နာဆရီက ထပ်မံသွင်းယူခဲ့သည်။ ချဲလ်ဆီးအတွက် ချေပဂိုးကို ပွဲကစားချိန် မိနစ် ၈၀ တွင် လူစားဝင်ကစားသမား ဘာထရန်က သွင်းယူခဲ့ခြင်း ဖြစ်သည်။

သတင်း-Planet Myanmar Network
ဓာတ်ပုံ-© AFP/GETTY IMAGES

Read More