ကိုယ့်ကိုကိုယ်ယုံကြည်မှုတည်ဆောက်နိုင်တဲ့ ပညာရေးစနစ်မျိုး မြန်မာနိုင်ငံမှာ လိုအပ်ကြောင်း ဒေါ်အောင်ဆန်းစုကြည်ပြောကြား

မြန်မာနိုင်ငံမှာ လူငယ်တွေအတွက် ကိုယ့်ကိုကိုယ်ယုံကြည်မှု တည်ဆောက်ပေးနိုင်မယ့်
ပညာရေးစနစ်ထွန်းကားဖို့ လိုအပ်နေတယ်လို့ နယူးရောက

်မြို့ ကုလသမဂ္ဂဌာနချုပ်မှာကျင်းပတဲ့ ကမ္ဘာ့ကလေးငယ်များ ပညာရေး မြင့်တင်မှုဆိုင်ရာ ကမ္ဘာ့ခေါင်းဆောင်များညီလာခံမှာ အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ပြည်သူ့လွှတ်တော်ကိုယ်စားလှယ်
ဒေါ်အောင်ဆန်းစုကြည် ကပြောသွားပါတယ်။

ဒီညီလာခံမှာ ကမ္ဘာ့တလွှားက ကလေးငယ်တွေ ပညာရေးသင်ယူနိုင်ခွင့် တိုးမြင့်ရလာဖို့ အမေရိကန် ဒေါ်လာသန်းပေါင်းတထောင့်ငါးရာ မတည်မယ် လို့ ကုလသမဂ္ဂအတွင်းရေးမှုးချုပ် မစ္စတာဘန်ကီမွန်းက ကြေငြာခဲ့ပါတယ်။

လွတ်လပ်ရေးရပြီးစအချိန် ဒီမိုကရေစီအစိုးရလက်ထက်မှာ မြန်မာနိုင်ငံရဲ့
ပညာရေးစနစ်ဟာ အရှေ့တောင်အာရှမှာ အကောင်းဆုံးထဲပါဝင်ခဲ့ပါတယ်။

ဒါပေမယ့် ၁၉၆၂ခုနှစ် စစ်အစိုးရတက်လာပြီးတဲ့နောက် ပညာရေးစနစ်
တဖြည်းဖြည်းနဲ့နိမ့်ကျသွားရတဲ့ အကြောင်းရင်းမှာ အဓိက အချက်(၂) ချက်ကြောင့်ဖြစ်တယ်လို့ ဒေါ်အောင်ဆန်းစုကြည်ကပြောပါတယ်။

“ပထမအချက် အစိုးရဟာ ပြည်သူတွေကို တာဝန်ခံမှုမရှိဘူး။ ဒုတိယအချက်ကတော့ အာဏာရှင်အစိုးရဟာ ပြည်သူတွေ တွေးခေါ်
စဉ်းစားတတ်လာမှာကို မလိုလားဘူး။ ဒါကြောင့် အာဏာရှင်အစိုးရဟာ ပညာရေးနဲ့ပတ်သက်လို့ နည်းမှန်လမ်းမှန် ချမှတ်ဆောင်ရွက်တာတွေ မလုပ်ခဲ့ဘူး” လို့ ဒေါ်အောင်ဆန်းစုကြည်ပြောသွားပါတယ်။

ဒါအပြင် စဉ်းစားတွေးခေါ်နိုင်စွမ်းကို အားပေးတဲ့ ပညာရေးစနစ် နှစ်ပေါင်း များစွာနိမ့်ကျခဲ့ပြီးတဲ့နောက်မှာ လူငယ်တွေရဲ့ ကိုယ့်ကိုကိုယ် ယုံကြည်စိတ် အားနည်းသွားရတယ်လို့ ဒေါ်အောင်ဆန်းစုကြည်ကဆိုပါတယ်။

“ကျမတို့ရဲ့မျိုးဆက်သစ်တွေကိုကြည့်တဲ့အခါမှာ ကိုယ့်ကိုကိုယ်ယုံကြည်စိတ် မရှိတာမျိုးတွေ့ရတယ်။ အခြားနိုင်ငံက လူငယ်တွေနဲ့မတူဘူးလို့ သူတို့ ခံစားနေရတယ်။ ဒါကြောင့် ပညာရေးစနစ်အသစ်အတွက် ရင်ဆိုင်ရမယ့် အခက်အခဲဆုံးတခုဟာ လူငယ်တွေ ကိုယ်တိုင် ကိုယ့်ကိုကိုယ်ရပ်တည်ဖို့ ယုံကြည်ချက်တွေတည်ဆောက်ပေးနိုင်ဖို့ဖြစ်ပါတယ်။ ပညာရေးဟာ ကျမအတွက်တော့ ယူတာထက် ပေးတာဖြစ်ပါတယ်။”

မြန်မာနိုင်ငံက ပညာရေးနဲ့ပတ်သက်လို့ ဗြိတိန်နိုင်ငံက အကူအညီတွေ
ပေးမယ် လို့ ဗြိတိသျှ ၀န်ကြီးချုပ်ဟောင်းနဲ့ ကမ္ဘာလုံးဆိုင်ရာ ပညာရေး
မြှင့်တင်ရေး ကုလသမဂ္ဂ အထူး သံတမန် မစ္စတာ ဂေါ်ဒွင် ဘရောင်း က အခုလို ပြောတယ်။

“မြန်မာနိုင်ငံမှာ ပညာရေးလုပ်ငန်းတွေ ဘယ်လို ပူးပေါင်းဆောင်ရွက်
ပေးရမလဲ ဆို တာနဲ့ပတ်သက်လို့ဆွေးနွေးဖြစ်ပါတယ်။
အားလုံးသိကြတဲ့အတိုင်း မြန်မာနိုင်ငံမှာ အရင်က ပညာရေးအတွက် တိုင်းပြည်ရဲ့ ဘဏ္ဍာငွေ ၁ ရာခိုင်နှုန်းပဲ သုံးစွဲခဲ့တယ်ဆိုတာပါ။ ဒါအပြင် လက်ရှိအခြေအနေမှာလည်း မူလတန်းပညာရေးကို မသင်ကြားနိုင် တဲ့ကလေးတွေ ရှိနေတယ် ဆိုတာလည်း ဒေါ်အောင်ဆန်းစုကြည်ပြောသွား ပါတယ်။ ဒါကြောင့် ကုလသမဂ္ဂအနေနဲ့ နိုင်ငံတကာ အဖွဲ့အစည်းတွေက တဆင့် မြန်မာနိုင်ငံက ကလေးမှန်သမျှ ပညာ မသင်မနေရဆိုတဲ့ အစီအစဉ်ကို အောင်မြင်အောင် အကောင်အထည်ဖေါ်ဆောင်ရွက်နိုင်ဖို့ မစ္စတာ ဘန်ကီမွန်း ဦးဆောင်တဲ့ ကုလသမဂ္ဂရဲ့ ပညာရေးသည် ပထမဆိုတဲ့ လှုပ်ရှားမှု ကနေ ကူညီဆောင်ရွက်ပေးသွားမှာဖြစ်ပါတယ်။”

ကုလသမဂ္ဂ အထွေထွေ ညီလာခံအချိန်အတွင်း ကျင်းပတဲ့ ပညာရေးဆိုင်ရာ အစည်းအဝေးမှာ အတွင်းရေးမှူးချုပ် မစ္စတာ ဘန်ကီမွန်းကလည်း
မြန်မာနိုင်ငံရဲ့ပညာရေးအတွက် အလေးပေးကူညီသွားမှာဖြစ်ကြောင်း
ပြောသွားသလို ပညာရေးဟာ လူ့အဖွဲ့အစည်း တိုးတက်ဖို့အတွက် အရေးပါတဲ့ အရာဖြစ်တယ်လို့လည်း အခုလို ပြောသွားပါတယ်။

“ပညာရေးဟာ လူ့အဖွဲ့အစည်းတိုင်းရဲ့ အခြေခံအုပ်မြစ်ဖြစ်တယ်။ ဒါအပြင် ဆင်းရဲမှုက လွတ်မြောက်ရာ လမ်းကြောင်းလည်းဖြစ်တယ်။ ပညာပိုပြီးတတ်လေ အလွန်အမင်း ဆင်းရဲနွမ်းပါးမှုကို သက်သာစေတယ်၊ အမျိုးသမီးနဲ့ကလေးတွေအတွက် အခွင့်အရေးတွေပိုပြီး ရစေတယ်။ ကျန်းမာရေး ကောင်းမွန်လာအောင် ကူးစက်ရောဂါတွေ တိုက်ဖျက်နိုင်ဖို့ အတွက်လည်း ပညာရေးဟာ အထောက်အကူပြုပါတယ်။ ဒါအပြင် ပညာရေးဟာ ကုလသမဂ္ဂရဲ့ ထောင်စုနှစ်ဖွံဖြိုးရေးရည်မှန်းချက် တိုးတက်အောင်မြင်အောင် အကောင်အထည်ဖေါ် ဆောင်ရွက်နိုင် မှာဖြစ်တယ်။”

အကြောင်းစုံကို မအင်ကြင်းနိုင်ကတင်ပြထားပါတယ်။

http://soundcloud.com/burmeserfa/fnemovxelb1t

REF: RFA Burmese
Posted by Admin Team-NOM