လွှတ်တော်ကိုယ်စားလှယ်များ၏ ဒုတိယသမ္မတ ရွေးချယ်မှုအပေါ် အမြင်နှင့် ခန့်မှန်းချက်များ

နိုင်ငံတော် ဒုတိယသမ္မတ သီဟသူရ ဦးတင်အောင်မြင့်ဦးသည် ကျန်းမာရေး အခြေအနေအရ ဆန္ဒအလျောက် ရာထူးမှ နုတ်ထွက်သွားပြီးဖြစ်ရာ လစ်လပ်သွားသည့် ဒုတိယသမ္မတ သီဟသူရ ဦးတင်အောင်မြင့်ဦး၏ နေရာအတွက် တပ်မတော်သား လွှတ်တော်ကိုယ်စားလှယ်များ အစုအဖွဲ့မှ ၂၀၁၂ ခုနှစ် ဇူလိုင်လ ၁၀ ရက်နေ့ နောက်ဆုံးထား၍ ရွေးချယ်တင်မြှောက်ပြီး ပြည်ထောင်စုလွှတ်တော်နာယကထံ အမည်စာရင်း တင်သွင်း ရမည်ဖြစ်သည်။ ထို့ကြောင့် လွှတ်တော်အသီးသီးရှိ တပ်မတော်သား လွှတ်တော်ကိုယ်စားလှယ်များ အပါအ၀င် လွှတ်တော်ကိုယ်စားလှယ်များ၏ ဒုတိယသမ္မတ ရွေးချယ်မှုအပေါ် အမြင်နှင့် ခန့်မှန်းချက်များကို ဖော်ပြလိုက်ပါသည်။
ဒေါက်တာအေးမောင်(အမျိုးသားလွှတ်တော် ကိုယ်စားလှယ်)

''ကျွန်တော်တို့ကတော့ ပြည်သူ့လွှတ်တော်ဥက္ကဋ္ဌကြီးကို ဖြစ်စေချင်တာပေါ့။ အဲဒီလိုဖြစ်သွားပြီဆိုရင် သမ္မတကြီးနဲ့အတူ လက်တွဲပြီးလုပ်လို့ ရပြီလေ။ ဒုတိယသမ္မတအဖြစ် သူရဦးရွှေမန်းကို ရွေးမယ်ဆိုရင် အမှန်ကန်ဆုံး ဖြစ်လိမ့်မယ်လို့ ယူဆပါတယ်။ အဲဒီလို ဖြစ်လာမယ်ဆိုရင် ပြည်သူ့လွှတ်တော်ရဲ့ လစ်လပ်တဲ့ ဥက္ကဋ္ဌ နေရာမှာ အမျိုးသားဒီမိုကရေစီ အဖွဲ့ချုပ်ခေါင်းဆောင် ဒေါ်အောင်ဆန်းစုကြည်ကို တင်မြှောက်လိုက်မယ်ဆိုရင် ကျွန်တော်တို့မျှော်လင့်ထားတဲ့ လွှတ်တော်လမ်းကြောင်းဟာလည်း ပုံမှန်အတိုင်း တည်တည်ငြိမ်ငြိမ် ဖြစ်မယ်။ နောက်ပြီး အများ ကလည်း လက်ခံမယ်။ ကမ္ဘာကလည်း ကျွန်တော်တို့သွားမယ့် လွှတ်တော်နဲ့ အစိုးရအဖွဲ့ဟာ ညီမျှမယ်လို့ သုံးသပ်ကြမယ်။ ပထမဆုံး ဖြစ်စေချင်တာကတော့ သူရဦးရွှေမန်းပေါ့။ သူဖြစ်ခဲ့မယ်ဆိုရင် သမ္မတကြီး ဦးသိန်းစိန်ရဲ့ အစိုးရအဖွဲ့မှာ ဒုတိယခေါင်းဆောင်အဖြစ် ပါသွားမှာကို အင်မတန် လိုလားပါတယ်။ တကယ်လို့များ မဖြစ်ခဲ့ဘူးဆိုရင်တော့ ဒုတိယအနေနဲ့တော့ စက်မှုဝန်ကြီး ဦးစိုးသိန်းကို ဖြစ်စေချင်ပါတယ်။ သမ္မတကြီးသွားနေတဲ့ လမ်းကြောင်းမှာ စိတ်တူကိုယ်တူ သွားမယ့်သူမျိုးဖြစ်မှ ဖြစ်မယ်။ ပြည်သူလူထုကရော၊ နိုင်ငံရေး ပါတီတွေကရော ထောက်ခံတဲ့သူ ဖြစ်ရမယ်။ သမ္မတကြီးနဲ့ ရေရှည် လက်တွဲနိုင်တဲ့သူဖြစ်ဖို့ လိုတယ်။ တတိယအနေနဲ့ကတော့ ဟိုတုန်းက န.ယ.ကအဖွဲ့ရဲ့ နောက်ဆုံးတာဝန်အရှိဆုံး ပုဂ္ဂိုလ်ဖြစ်တဲ့ ဦးတင်အေးကို ဖြစ်စေချင်ပါတယ်။

ဦးဌေးဦး(ပြည်သူ့လွှတ်တော်ကိုယ်စားလှယ်)

''အင်တာနက်မှာတော့ သူတို့ထင်မြင်ယူဆတဲ့အတိုင်း ပြောကြတာပါပဲ။ တကယ့်ဥစ္စာက နိုင်ငံတော်သမ္မတကြီးဆီက ပြည်ထောင်စု လွှတ်တော်ကို သ၀ဏ်လွှာ ပို့တယ်။ သ၀ဏ်လွှာပို့ပြီး သက်ဆိုင်ရာ အစုအဖွဲ့က တင်ပါဆိုတော့ အဲဒီမှာ တင်ကြလိမ့်မယ်။ တင်တဲ့လူတွေအားလုံး ကလည်းပဲ တကယ့်ကို နိုင်ငံအကျိုးရှိအောင် လုပ်နိုင်မယ့်လူ ရွေးနိုင်မယ်လို့ ကျွန်တော်ထင်ပါတယ်။ အဲဒီကနေ ရွေးလာတဲ့အပေါ်မှာ လွှတ်တော်ကိုယ်စားလှယ်တွေက အတည်ပြုရမှာပေါ့ဗျာ။ ကျွန်တော်ကတော့ အပြင်မှာ ထွက်နေတဲ့ သတင်းတွေ အပေါ်ဘယ်လိုမှ သဘောမထားပါဘူး ဗျာ။ ကိုယ့်နေရာ ကိုယ်ပျော်ပါတယ်။

ဦးအောင်သောင်း (ပြည်သူ့လွှတ်တော်ကိုယ်စားလှယ်)

''ကျွန်တော်ထင်တာက တပ်မတော် ကာကွယ်ရေး ဦးစီးချုပ်နဲ့အဖွဲ့က တိုင်ပင်ပြီး ရွေးလိမ့်မယ်ထင်တယ်။ ကျွန်တော်ထင်တာကတော့ လက်ရှိ လွှတ်တော်ကိုယ်စားလှယ်ထဲက မဟုတ်ဘဲ အပြင်လူလည်း ဖြစ်နိုင်ပါတယ်။ တပ်မတော် ကာကွယ်ရေးဦးစီးချုပ်က ရွေးပိုင်ခွင့် ရှိတယ်။ တပ်မတော်အစုအဖွဲ့က ရွေးချယ်နိုင်ခွင့် ရှိတယ်ဆိုတာက ကာကွယ်ရေးဦးစီးချုပ်ရဲ့ ဆန္ဒနဲ့သဘောထားကို ရယူပြီး သူကရွေးရမှာ။ အဲဒီတော့ သူရွေးတဲ့သူပဲ ဖြစ်မှာပေါ့။ သူရွေးတဲ့သူကိုပဲ လွှတ်တော်က သဘောတူလား မတူလား အတည်ပြုပေးရမှာ။ တကယ်တန်းကျတော့ ဖွဲ့စည်းပုံ အခြေခံဥပဒေအရ ရွေးချယ်ခွင့်၊ လုပ်ပိုင်ခွင့်၊ စဉ်းစားခွင့်က သူ့ကိုပဲ ပေးထားတာ။ ကျွန်တော်ထင်တာတော့ တပ်မတော်ထဲမှာလည်းပဲ လက်ရှိမှာ မကြာမီ နှစ်ပိုင်းအတွင်း အငြိမ်းစားယူခါနီး ဗိုလ်ချုပ်ကြီးတွေ ရှိတယ်။ သူ့ဘက်ကလည်း တပ်မတော်အတွက် သူပြန်ကြည့်ဖို့ လိုသေး တယ်လေ။ သူကနေပြီး အရပ်ဘက်ကို သွားပြီးသား လူတစ်ယောက်ကိုပေးမယ့်အစား မကြာမီသွားတော့မယ့် လူတစ်ယောက်ကို ပေးလိုက်ရင် တပ်မတော်အတွက် ပိုမကောင်းဘူးလား။ ဒါတွေလည်း စဉ်းစားစရာတွေပါ။ စဉ်းစားကြည့်တဲ့သဘောပါ။

ဦးအေးမောက်(ပြည်သူ့လွှတ်တော်ကိုယ်စားလှယ်)

''ဖွဲ့စည်းပုံအခြေခံ ဥပဒေအရ တပ်မတော်အစုအဖွဲ့ကနေ ရွေးရမှာဖြစ်တဲ့အတွက် ကာကွယ်ရေးဦးစီးချုပ်ကတော့ Nomination လုပ်ပေးမှာပေါ့လေ။ ဒါပေမယ့်လည်း အမျိုးသားကာကွယ်ရေးနှင့် လုံခြုံရေးကောင်စီ (ကာလုံ) ကနေ ညှိနှိုင်းမယ်လို့တော့ ထင်တယ်။ အဲဒီလို ညှိနှိုင်းပြီး လုပ်ပေးတာကို တပ်မတော်သားတွေကလည်း သဘောတူကြမှာပဲ။ အရပ်ဘက်ကဆိုရင်တော့ ကျွန်တော့်အနေနဲ့ ဦးတင်အေးဆိုရင် သဘောကျတယ်။ တပ်မတော်ဘက်ကဆိုရင် ကာချုပ် (ရေ) တို့၊ ကာချုပ်(လေ)တို့လည်း ဖြစ်နိုင်တာပဲ။ အသေအချာတော့ ခန့်မှန်းလို့ မရသေးပါဘူး။

သူရဦးအောင်ကို(ပြည်သူ့လွှတ်တော်ကိုယ်စားလှယ်)

''သူက မှန်းရခက်တယ်။ (၁) က အသက် ၅၀ ကျော်လူငယ်ပိုင်းက ဖြစ်လိမ့်မယ်။ သွက်သွက် လက်လက် လုပ်နိုင်တဲ့သူပေါ့။ ပြီးရင် တပ်မတော်ကအငြိမ်းစား ဗိုလ်ချုပ် (သို့မဟုတ်) ဒုတိယဗိုလ်ချုပ်ကြီးဟောင်း ဒါမှမဟုတ်ရင် လက်ရှိထမ်းဆောင်နေဆဲ ဗိုလ်ချုပ်(သို့မဟုတ်) ဒုတိယဗိုလ်ချုပ်ကြီး တစ်ယောက်ဖြစ်ဖို့များတယ်။ ကျန်းမာပြီးတော့ လူလတ်ပိုင်းထဲက သွက်သွက်လက်လက်လုပ်နိုင်တဲ့လူ ဖြစ်ဖို့များတယ်။ ဘာကြောင့်လဲဆိုတော့ အဲဒီနေရာက အလုပ်တော်တော်များများ လုပ်ရမယ့်နေရာ ဖြစ်ပါတယ်။ လွှတ်တော်တို့၊ ပြည်ထောင်စုလွှတ်တော်တို့နဲ့ ချိတ်ဆက်ပြီး လုပ်ရမယ့် နေရာဖြစ်တဲ့အတွက် ဒုတိယသမ္မတက ကျန်းမာကြံ့ခိုင်တဲ့ လုပ်နိုင်တဲ့သူ ဖြစ်ရပါမယ်။

Ref:EMG