မြန်မာနိုင်ငံ ရေကြောင်း ပညာ တက္ကသိုလ်မှ ပါမောက္ခချုပ် ဒေါက်တာ ချာလီသန်းရဲ့ ပြောကြားချက် အရ မြန်မာနိုင်ငံ ရေကြောင်းပညာ တက္ကသိုလ်ဟာ
ကိုရီးယား ရေကြောင်း ပညာတက္ကသိုလ်နဲ့ ပူးပေါင်းပြီး ဘွဲ့သင်တန်း ပေးအပ်မယ့် သင်တန်း တွေကို လာမယ့် ပညာသင်နှစ်က စတင်ကာ ပူးပေါင်း ဖွင့်လှစ်နိုင်ဖို့ စီစဉ် ဆောင်ရွက်လျက် ရှိတယ်လို့ သိရပါတယ်။ ဒီလို ပူးပေါင်း ဖွင့်လှစ်တဲ့ အခါ သင်ကြား ပေးမယ့် ဘာသာရပ်မှာ ရေကြောင်း အင်ဂျင်နီယာ ဘာသာရပ်နဲ့ ရေကြောင်း သိပ္ပံပညာရပ် နှစ်ခုအတွက် ဖွင့်လှစ်မှာ ဖြစ်ပြီး ဘာသာရပ် တစ်ခုစီကို သင်တန်းသား ၂၀ ဦးစီ လက်ခံ သင်ကြားဖို့ စီစဉ်ထားတာ ဖြစ်ပါတယ်။
အဆိုပါ သင်တန်း ဖွင့်လှစ်မှု အတွက်ကို ကိုရီးယား ရေကြောင်း ပညာ တက္ကသိုလ်မှ သီလ၀ါရှိ မြန်မာနိုင်ငံ ရေကြောင်း ပညာတက္ကသိုလ် ကျောင်းဝင်း အတွင်းမှာ အဆောက်အဦး ငှားရမ်း ဖွင့်လှစ်မှာ ဖြစ်ပါတယ်။ ဒီလို သင်ကြားရာမှာ ပထမ သုံးနှစ်ကို မြန်မာနိုင်ငံမှာ သင်ကြား ရမှာဖြစ်ပြီး ကျန် ၂ နှစ်ကို ကိုရီးယား နိုင်ငံမှာ သွားရောက် သင်ကြားရမှာ ဖြစ်ပါတယ်။ ဒီလို သင်ကြား နေစဉ် ကာလ အတွင်း သင်္ဘော ကုမ္ပဏီက ပညာသင် ထောက်ပံ့ကြေးပါ ပေးအပ်မှာ ဖြစ်ပါတယ်။ ဒီလို သင်ကြား ပြီးပါက ကိုရီးယား ရေကြောင်း ပညာ တက္ကသိုလ်မှ ပေးအပ်မယ့် ဘွဲ့ကို ရရှိမှာဖြစ်ပြီး ကိုရီးယား သင်္ဘော အရာရှိ COC လက်မှတ်ပါ ရရှိမှာ ဖြစ်ပါတယ်။
အဆိုပါ သင်တန်း ဖွင့်လှစ်ဖို့ အတွက် လက်ရှိမှာ သင်ရိုးညွှန်းတမ်း ရေးဆွဲမှုတွေ ပြုလုပ်လျက် ရှိပြီး ကိုရီးယား နိုင်ငံမှ ရေကြောင်း ဆိုင်ရာ ပါမောက္ခများ ကိုယ်တိုင် သင်ကြား ပို့ချပေးမှာ ဖြစ်ပါတယ်။ ဒါ့အပြင် ပြည်တွင်းရှိ ဆရာ၊ ဆရာမ တွေကိုပါ လိုအပ်တဲ့ သင်တန်းတွေကို ကိုရီးယား ရေကြောင်း ပညာ တက္ကသိုလ်က ဆောင်ရွက်ပေး သွားမှာ ဖြစ်ပါတယ်။
မြန်မာနိုင်ငံ ရေကြောင်း ပညာ တက္ကသိုလ်နဲ့ ကိုရီးယားနိုင်ငံ ရေကြောင်းပညာ တက္ကသိုလ်နှစ်ခုဟာ ပညာရေး ဆိုင်ရာ ပူးပေါင်း ဖလှယ်မှုတွေ အတွက် လွန်ခဲ့တဲ့ ၁၀ နှစ်ဝန်းကျင် ကတည်းက MoU ရေးထိုးမှုတွေ ပြုလုပ်ခဲ့တာ ဖြစ်ပြီး အခုအခါ မှာတော့ ကိုရီးယား ရေကြောင်း တက္ကသိုလ်မှ ပြည်တွင်းမှာ ရေကြောင်း ဆိုင်ရာ တက္ကသိုလ် ဘွဲ့သင်တန်းကို လာရောက် ဖွင့်လှစ်ဖို့ အတွက် ဆွေးနွေးမှု တွေကို စတင် ဆောင်ရွက် နေပြီ ဖြစ်တယ်လို့ သိရပါတယ်။
Ref:MRTV-4
